Héraðssamband Þingeyinga

Nýjustu fréttirnar

Vinsælt

Héraðsmót HSÞ í knattspyrnu 12 ára og yngri innanhúss

Fimmtudagur, 26. janúar 2012 |

Héraðsmót HSÞ í knattspyrnu 12 ára og yngri innanhúss verður haldið á Húsavík sunnudaginn 5. febrúar 2012.
Keppt verður í 5. flokki, (börn fædd ’00 og ´01) 6. flokki (börn fædd ´02 og ´03) og 7. flokki (börn fædd ´04 og ´05)
Keppt er í blönduðum liðum. Leyfilegt er að keppa upp fyrir sig.
Mótið hefst kl 10:00 og stendur fram eftir degi eins og þörf verður á miðað við fjölda leikja. Þó verður stefnt að því að klára mótið fyrir kl 17:00 Miðað verður við að leikir standi í 15 mín.
Þátttaka tilkynnist í síðasta lagi þriðjudaginn 31. janúar á netfangið Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. eða í síma 895-3302.
Þátttökugjald er 1.500 krónur á keppanda. Innifalið er mótsgjald og glaðningur í lok móts. Þátttökugjaldið greiðist í síðasta lagi við upphaf móts.

Bikarglíma Íslands um helgina

Fimmtudagur, 26. janúar 2012 |

Bikarglíma Íslands fer fram á laugardaginn, 28. janúar í íþróttahúsi Kennaraháskólans og eru 29 keppendur skráðir til leiks. Þar á meðal eru þeir Bjarni Þór Gunnarsson, Pétur Þórir Gunnarsson og Einar Eyþórsson úr Mývetningi. Tveir keppendur að auki eru upprunnir í Mývatnssveit; þeir Pétur Eyþórsson og Ólafur Helgi Kristjánsson sem báðir keppa fyrir Ármann.
Þrír glímukóngar og þrjár glímudrottningar mæta til leiks í Bikarglímunni þannig að ljóst má vera á öllu að um mjög sterkt mót er að ræða.
Sjá nánar á www.glima.is

Aðalfundi GH frestað

Fimmtudagur, 26. janúar 2012 |

Vegna óviðráðanlegra ástæðna verður aðalfundi GH frestað um eina viku eða til laugardagsins 4. febrúar og verður á áður auglýstum stað og stund. Bjarnahúsi kl 13:30.
Viljum við biðjast velvirðingar á þessari breytingu og kemur vonandi ekki í veg fyrir að þið mætið sem á annað borð ætluðu það.

Þessi tilkynning frá stjórn Golfklúbbs Húsavíkur kemur fram á heimasíðu klúbbsins, www.ghgolf.is

Aðalfundur GH á laugardaginn

Fimmtudagur, 26. janúar 2012 |

Aðalfundur Golfklúbbs Húsavíkur fyrir starfsárið 2011 verður haldinn laugardaginn 28. janúar n.k. í Bjarnahúsi á Húsavík og hefst kl. 13.30. Á dagskrá eru venjuleg aðalfundarstörf.
Stjórn GH hvetur fólk til að sýna dugnað og mæta á aðalfund, það verða kaffiveitingar í boði klúbbfélaga eftir að fundi lýkur.
Nýir félagar velkomnir.
Stjórn GH

Hafdís með góðan árangur um helgina

Þriðjudagur, 24. janúar 2012 |

Hafdís Sigurðardóttir, UFA, vann sigur í langstökki kvenna á Reykjavík International Games sem fram fór um helgina. Bætti hún bæði sinn persónulega árangur og mótsmetið í greininni þegar hún stökk 6,14 m. Hafdís keppti einnig í 60 m hlaupi og varð í 3. sæti.
Hafdís tilkynnti félagaskipti úr Umf. Bjarma (HSÞ) yfir í UFA snemma í janúar sl. Að sögn Hafdísar var þessi ákvörðun um félagaskipti henni mjög erfið og hafði hún hugsað þetta vel og lengi áður en hún ákvað að skipta um félag. Hafdís telur sig betur setta hjá UFA enda stundar hún æfingar á Akureyri ásamt öðru frjálsíþróttafólki í UFA. Eins telur hún sig betur setta með að afla styrkja til þess að stunda sína íþrótt hjá UFA. Hún vildi þó taka það skýrt fram að hún sé og verði alltaf Þingeyingur og þakkar þeim fyrir sem hafa styrkt hana í gegnum tíðina hjá HSÞ.
Hafdís var þó ekki eini keppandi Þingeyinga á mótinu því tveir keppendur frá Umf. Eflingu í Reykjadal kepptu í bogfimi á leikunum. Guðmundur Smári Gunnarsson varð í öðru sæti í bogfimi og Þorsteinn Aðalsteinsson varð í 8. sæti á sínu fyrsta móti.
Sjá nánar hér
Frétt fengin af www.641.is

Þorrablót Umf. Eflingar

Þriðjudagur, 24. janúar 2012 |

Þorrablót Umf. Eflingar verður haldið laugardaginn 28. janúar kl. 20:30 í félagsheimilinu á Breiðumýri. Húsið opnar kl. 20.00.
Hljómsveitin SOS leikur fyrir dansi
Miðaverð er kr. 2.700. Skráning fyrir kl. 20:00 fimmtudaginn 26. janúar.
Þórir: 464-1446
Hildigunnur: 464-3187
Unnsteinn: 464-3300
Posi verður á staðnum og sjoppa á vegum nemendafélags Framhaldsskólans á Laugum.
Nefndin

Eldri fréttir