Héraðssamband Þingeyinga

Aðalfundur U.M.F Bjarma 2012 verður haldinn í Skógum í Fnjóskadal í kvöld, miðvikudagskvöldið 22.febrúar kl: 20:30.
Á dagskrá eru venjuleg aðalfundarstörf.
Félagar eru hvattir til að mæta og nýir félagar ávallt velkomnir.
Veitingar að hætti stjórnar.
Höfum gaman saman.

Stjórnin

Leikdeild Umf. Eflingar æfir nú af krafti á Breiðumýri, nýtt íslenskt leikverk "Í gegnum tíðina" - höfundur og leikstjóri er Hörður Þór Benónýsson. Tónlistarstjóri er Pétur Ingólfsson. Þeir stýrðu einnig uppfærslu á "Djöflaeyjunni" sem sýnd var árið 2008.
"Í gegnum tíðina" er fjölskyldusaga með gamansömu ívafi og inn í söguna er fléttað fjölmörgum lögum frá árunum 1950-1980. Frumsýning er fyrirhuguð í mars.
Frétt og mynd af fésbókarsíðu leikdeildarinnar, en myndin er ótengd verkinu.

Þekkingarnet Þingeyinga stendur fyrir EIPET námskeiðum á Húsavík og Þórshöfn 17. - 18. febrúar 2012, í samvinnu við Íþróttasamband fatlaðra.
Hér er einstakt tækifæri til að afla sér þekkingar heima í héraði, en þetta er námskeið fyrir kennara, þjálfara og aðra - t.d. aðstandendur - sem eru áhugasamir um kennslu, þjálfun og hreyfingu fatlaðra.
Umsjónarmaður námskeiðs;  Ingi Þór Einarsson PHD student, aðjunkt HÍ og landsliðsþjálfari ÍF í sundi.
Þátttökugjald er 3.500.- krónur.
Skráning og frekari upplýsingar fást með því að senda póst á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.  og  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Aðalfundur Golfklúbbs Húsavíkur var haldinn síðasta laugardag. 25 manns mættu á fundinn. Þar sem ekki náðist að klára reikninga klúbbsins í tæka tíð þarf að halda annan fund og fara yfir reikningana. Verður sá fundur auglýstur með góðum fyrirvara.
Kosið var í nokkur embætti, lesnar skýrslur formanns og nefnda. Tilllögu stjórnar um gjaldskrárbreytingar var frestað, verður hún tekinn til umræðu á framhaldsfundinum.
Síðasti liður á dagskrá voru kaffiveitingar og sennilega fór mesti tíminn í þennan lið, enda glæsilegt hlaðborð sem boðið var uppá.
Pálmi Pálmason var kosinn formaður, Sólveig Skúladóttir var kosinn varaformaður, Ásdís Jónsdóttir var kosinn gjaldkeri og með þeim í stjórn verða Kristinn Vilhjálmsson og Harpa Gunnur Aðalbjörnsdóttir.
Jóhanna Guðjónsdóttir var kosinn formaður mótanefndar og Einar Halldór var kosinn formaður húsnefndar.
Fráfarandi stjórn og formönnum nefnda eru þökkuð góð störf.
www.ghgolf.is

Alls eru um 240 keppendur skráðir til leiks á Meistaramót Íslands í frjálsum íþróttum 15-22 ára sem fram fer í Laugardalshöll um helgina, sem er nokkuð meira en á síðasta ári. Keppendur koma frá 17 félögum og samböndum og keppa samtals í 784 greinum, eða að meðaltali í 3,25 grein á mann. Þar á meðal er góður hópur frá HSÞ, eða 8 krakkar á aldrinum 15 – 16 ára. Þeim er óskað góðs gengis um helgina.
Nánari upplýsingar og öll úrslit er að hægt að sjá á mótaforriti FRÍ.

Síðastliðið fimmtudagskvöld var Skákfélagið Goðinn með opið hús í tilefni af islenska skákdeginum sem haldinn var hátíðlegur um allt land á fimmtudaginn. Opna húsið hófst kl 20.30 og lögðu þó nokkrir gestir leið sína í félagsaðstöðu Goðans í Framsýnarsalnum á Húsavík. Goðinn bauð upp á myndasýningu af starfi félagsins undanfarin ár og var meðal annars sýndar myndir frá því þegar Boris Spassky heimsótti Húsavík árið 1978 og tefldi fjöltefli í troðfullum salnum á Hótel Húsavík.
Einnig gátu gestir á íslenska skákdeginu teflt við félagsmenn Goðans og nýttu margir sé það. Jóhanna Kristjánsdóttir formaður HSÞ var þar á meðal. Goðinn bauð uppá kaffi, djús og kanilsnúða sem formaður hafði bakað í tilefni dagsins.
3. umferð Gestamóts Goðans var svo tefld í suð-vestur goðorði Goðans á sama tíma.
Nánar á heimasíðu Goðans.

Knattspyrnuráð meistaraflokka Völsungs karla og kvenna auglýsir opinn fund um stöðu knattspyrnunnar á Húsavík í sal Framsýnar, miðvikudagskvöldið 1. febrúar kl. 20:30.

Lífshlaupið verður ræst í fimmta sinn miðvikudaginn 1. febrúar n.k. Lífshlaupið er heilsu- og hvatningarverkefni ÍSÍ sem höfðar til allra aldurshópa. Landsmenn eru hvattir til þess að huga að sinni daglegri hreyfingu og auka hana eins og kostur er þ.e. í frítíma, heimilisverkum, vinnu, skóla og við val á ferðamáta. Börnum og unglingum er ráðlagt að hreyfa sig í minnst 60 mínútur á dag og fullorðnum í minnst 30 mínútur á dag.
Inn á vef Lífshlaupsins, www.lifshlaupid.is er hægt að velja um þrjár leiðir.

• Ef þú ert 15 ára og yngri getur þú tekið þátt í hvatningarverkefni fyrir grunnskóla.
• Ef þú ert 16 ára og eldri getur þú tekið þátt í vinnustaðakeppni.
• Allir geta tekið þátt í einstaklingskeppni þar sem þátttakendur geta skráð niður sína daglegu hreyfingu allt árið.

Skrá má alla hreyfingu niður en hún þarf að ná minnst 30 mínútum samtals hjá fullorðnum og minnst 60 mínútum samtals hjá börnum og unglingum til að fá dag skráðan. Tímanum má skipta upp í nokkur styttri tímabil yfir daginn s.s. 10 til 15 mín í senn.
Vinnustaðir, skólar og einstaklingar á sambandssvæði HSÞ eru hvattir til að taka þátt og nota þannig tækifærið til að efla líkama og sál með því að hreyfa sig daglega, skapa skemmtilega stemmingu og efla félagsandann.
Þín heilsa - Þín skemmtun
Nánari upplýsingar um Lífshlaupið og skráningu gefur Jóna Hildur Bjarnadóttir, sviðsstjóri almenningsíþróttasviðs ÍSÍ,  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.   í síma: 514-4000.

Stórmót ÍR lauk í gær sunnudag og komu HSÞ keppendur heim glaðir og ánægðir eftir vel heppnað mót.
Farið var frá Húsavík með rútu frá Fjallasýn og lagt af stað kl. 13:30. Með í för voru 20 keppendur, 2 fararstjórar, 2 þjálfarar og 2 foreldrar. Ferðin suður gekk afar hægt vegna hálku og hvassviðris en krakkarnir voru mjög þolinmóð og góð þrátt fyrir það. Það var bæði sungið og farið í spurningaleiki.
Lesið framhaldið og skoðið úrslitin á heimasíðu frjálsíþróttaráðs.

Mennta- og menningarmálamálaráðuneyti hefur auglýst eftir umsóknum um styrki úr Æskulýðssjóði sem starfar samkvæmt lögum nr. 70/2007 og reglum nr. 60/2008.
Við úthlutun úr Æskulýðssjóði fyrir árið 2012 verður lögð áhersla á umsóknir frá æskulýðsfélögum og æskulýðssamtökum um verkefni er vinna gegn einelti, fræðslu um mannréttindi, þjálfun þeirra er vinna með börnum og ungmennum í félagsstarfi og á samstarfsverkefni æskulýðsfélaga og æskulýðssamtaka.
Hlutverk Æskulýðssjóðs er að styrkja eftirtalin verkefni á vegum æskulýðsfélaga og æskulýðssamtaka:
1. Sérstök verkefni sem unnin eru fyrir börn og ungmenni og/eða með virkri þátttöku þeirra.
2. Þjálfun forystufólks, leiðbeinenda og sjálfboðaliða.
3. Nýjungar og þróunarverkefni.
4. Samstarfsverkefni æskulýðsfélaga og æskulýðssamtaka.
Hvorki er heimilt að styrkja árvissa né fasta viðburði í félagsstarfi svo sem þing, mót eða þess háttar viðburði né ferðir hópa.
Mennta- og menningarmálaráðherra úthlutar styrkjum úr Æskulýðssjóði að fengnum tillögum stjórnar Æskulýðssjóðs.
Umsóknarfrestur í Æskulýðssjóð er fjórum sinnum á ári, 1. febrúar, 1. apríl, 1. september og 1. nóvember og er umsóknarfrestur auglýstur hverju sinni. Nánari upplýsingar má finna á vef mennta- og menningarmálaráðuneytisins www.menntamálaráðuneyti.is. Næsti umsóknarfrestur er 1. febrúar 2012.

Stórmót ÍR í frjálsíþróttum var haldið í 16. sinn um helgina. Mótið sem fór fram í Laugardalshöllinni hefur unnið sér sess sem langstærsta opna innanhússmótið frjálsum sem haldið er árlega hér á landi. Keppt er í aldursflokkum frá 8 ára og yngri upp í karla og kvennaflokk. Þátttakendur voru um 780 frá 23 félögum víðs vegar að af landinu.
Meðal keppenda voru 20 krakkar frá HSÞ á aldrinum 11 – 17 ára og komu þau víða að af sambandssvæðinu. Farið var í rútu frá Húsavík á föstudaginn og gekk ferðin hægt enda veður vont. Voru þau níu og hálfan tíma á leiðinni. En það hafði ekki áhrif á árangurinn því öll stóðu þau sig með sóma. Þau héldu heim á leið síðdegis í dag með 14 verðlaun í farteskinu, þrjú gull, sjö silfur og fjögur brons. Margir bættu árangur sinn og góður andi ríkti í hópnum. Úrslitin má sjá hér á heimasíðu FRÍ.

Bikarglíma Íslands fór fram í gær og er óhætt að segja að keppnin hafi verið jöfn og spennandi í flestum flokkum.
Í opnum flokki karla sigraði Pétur Eyþórsson Glímufélaginu Ármanni eftir spennandi úrslitarglímur við frænda sinn Bjarna Þór Gunnarsson Mývetningi en þess má geta að þeir eru í 1. og 2. sæti styrkleikalista glímumanna. Bræður þeirra, Pétur Þórir Gunnarsson og Einar Eyþórsson urðu í 3. og 4. sæti.
Í opnum flokki kvenna var ekki síður jöfn og spennandi keppnin en þar sigraði Marín Laufey Davíðsdóttir HSK eftir bráðfjöruga úrslitaviðureignir við Guðbjörtu Lóu Þorgrímsdóttur GFD en þær stöllur eru einmitt í 1.og 2.sæti á styrkleikalista kvenna.
Öll önnur úrslit má svo sjá hérna:

Íþrótta- og Ólympíusamband Íslands - ÍSÍ, fagnar 100 ára afmæli sínu í dag, 28. janúar 2012 en sambandið var stofnað þann dag í Bárubúð árið 1912. Alls mættu 25 fulltrúar frá sjö félögum á stofnfund sambandsins en það voru fulltrúar frá Reykjavíkurfélögunum Glímufélaginu Ármanni, Íþróttafélaginu Kára, Íþróttafélagi Reykjavíkur, Knattspyrnufélaginu Fram, Knattspyrnufélagi Reykjavíkur, Umf. Reykjavíkur og Umf. Iðunni. Að auki var á fundinum lögð fram ósk frá fimm félögum í viðbót að gerast stofnfélagar sambandins. Það voru félögin Skautafélag Reykjavíkur, Sundfélagið Grettir og Akureyrarfélögin Íþróttafélagið Grettir, Glímufélagið Héðinn og Umf. Akureyrar. Axel Tulinius var kosinn fyrsti forseti ÍSÍ.
Á afmælisdaginn sjálfan hélt ÍSÍ hátíðarfund framkvæmdastjórnar í fundarsalnum Bárubúð í Ráðhúsi Reykjavíkur. Að honum loknum mun ÍSÍ var boðsgestum boðið til móttöku í Ráðhúsi Reykjavíkur. Á afmælisárinu verða fjölmargir viðburðir á dagskrá, bæði viðburðir sem ÍSÍ stendur fyrir en einnig viðburðir sem verða skipulagðir af sambandsaðilum ÍSÍ um land allt eða í samstarfi við sambandsaðila og aðildarfélög þeirra.
ÍSÍ er síungt samband og framtíðin er björt hjá íslenskri íþróttahreyfingu. ÍSÍ óskar íþróttahreyfingunni og landsmönnum öllum til hamingju með 100 ára afmælið.

Héraðsmót HSÞ í knattspyrnu 12 ára og yngri innanhúss verður haldið á Húsavík sunnudaginn 5. febrúar 2012.
Keppt verður í 5. flokki, (börn fædd ’00 og ´01) 6. flokki (börn fædd ´02 og ´03) og 7. flokki (börn fædd ´04 og ´05)
Keppt er í blönduðum liðum. Leyfilegt er að keppa upp fyrir sig.
Mótið hefst kl 10:00 og stendur fram eftir degi eins og þörf verður á miðað við fjölda leikja. Þó verður stefnt að því að klára mótið fyrir kl 17:00 Miðað verður við að leikir standi í 15 mín.
Þátttaka tilkynnist í síðasta lagi þriðjudaginn 31. janúar á netfangið Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. eða í síma 895-3302.
Þátttökugjald er 1.500 krónur á keppanda. Innifalið er mótsgjald og glaðningur í lok móts. Þátttökugjaldið greiðist í síðasta lagi við upphaf móts.

Vegna óviðráðanlegra ástæðna verður aðalfundi GH frestað um eina viku eða til laugardagsins 4. febrúar og verður á áður auglýstum stað og stund. Bjarnahúsi kl 13:30.
Viljum við biðjast velvirðingar á þessari breytingu og kemur vonandi ekki í veg fyrir að þið mætið sem á annað borð ætluðu það.

Þessi tilkynning frá stjórn Golfklúbbs Húsavíkur kemur fram  á heimasíðu klúbbsins, www.ghgolf.is

Aðalfundur Golfklúbbs Húsavíkur fyrir starfsárið 2011 verður haldinn laugardaginn 28. janúar n.k. í Bjarnahúsi á Húsavík og hefst kl. 13.30. Á dagskrá eru venjuleg aðalfundarstörf.
Stjórn GH hvetur fólk til að sýna dugnað og mæta á aðalfund, það verða kaffiveitingar í boði klúbbfélaga eftir að fundi lýkur.
Nýir félagar velkomnir.
Stjórn GH

Hafdís Sigurðardóttir, UFA, vann sigur í langstökki kvenna á Reykjavík International Games sem fram fór um helgina. Bætti hún bæði sinn persónulega árangur og mótsmetið í greininni þegar hún stökk 6,14 m. Hafdís keppti einnig í 60 m hlaupi og varð í 3. sæti.
Hafdís tilkynnti félagaskipti úr Umf. Bjarma (HSÞ) yfir í UFA snemma í janúar sl. Að sögn Hafdísar var þessi ákvörðun um félagaskipti henni mjög erfið og hafði hún hugsað þetta vel og lengi áður en hún ákvað að skipta um félag. Hafdís telur sig betur setta hjá UFA enda stundar hún æfingar á Akureyri ásamt öðru frjálsíþróttafólki í UFA. Eins telur hún sig betur setta með að afla styrkja til þess að stunda sína íþrótt hjá UFA. Hún vildi þó taka það skýrt fram að hún sé og verði alltaf Þingeyingur og þakkar þeim fyrir sem hafa styrkt hana í gegnum tíðina hjá HSÞ.
Hafdís var þó ekki eini keppandi Þingeyinga á mótinu því tveir keppendur frá Umf. Eflingu í Reykjadal kepptu í bogfimi á leikunum. Guðmundur Smári Gunnarsson varð í öðru sæti í bogfimi og Þorsteinn Aðalsteinsson varð í 8. sæti á sínu fyrsta móti.
Sjá nánar hér
Frétt fengin af www.641.is

Þorrablót Umf. Eflingar verður haldið laugardaginn 28. janúar kl. 20:30 í félagsheimilinu á Breiðumýri. Húsið opnar kl. 20.00.
Hljómsveitin SOS leikur fyrir dansi
Miðaverð er kr. 2.700. Skráning fyrir kl. 20:00 fimmtudaginn 26. janúar.
Þórir: 464-1446
Hildigunnur: 464-3187
Unnsteinn: 464-3300
Posi verður á staðnum og sjoppa á vegum nemendafélags Framhaldsskólans á Laugum.
Nefndin

ÍSÍ býður upp á hádegisfund frá kl. 12.00-13.00 miðvikudaginn 25. janúar næstkomandi í E-sal Íþróttamiðstöðvarinnar í Laugardal í Reykjavík. Kjartan Páll Þórarinsson frá Þekkingarneti Þingeyinga og Sveinn Aðalsteinsson framkvæmdastjóri Íþróttafélagsins Völsungs á Húsavík munu fjalla um verkefni sem snýr að samningi við iðkendur til að sporna gegn neyslu vímuefna. Kjartan Páll vann athyglisverða skýrslu um verkefnið og eru niðurstöður afar fróðlegar.
Í skýrslunni kemur Kjartan Páll inn á árangur og eftirfylgni í tengslum við samninginn sem gerður er milli félags og iðkenda. Hann veltir m.a. upp spurningum í tengslum við ánægju iðkenda og foreldra með samning eins og þennan sem og spurningum um það hversu margir iðkendur halda samninginn.
Að loknum fyrirlestri verður opnað fyrir fyrirspurnir og umræður eins og áður á hádegisfundum ÍSÍ. Fundurinn er öllum opinn á meðan húsrúm leyfir.

Íslandsgangan á skíðum er fólgin í þátttöku í allt að sex sjálfstæðum almenningsgöngum á skíðum á sama vetri. Ljúka þarf þremur göngum til að teljast með í lokaúrslitum, en einungis lengsta vegalengd í hverri göngu telst með í Íslandsgöngunni. Hér er heimasíða Íslandsgöngunnar: http://islandsgangan.blogcentral.is/ 
Íslandsgangan hefst í byrjun febrúar á Akureyri og lýkur með Fossavatnsgöngunni á Ísafirði í lok apríl. Allir geta fundið sér vegalengd við hæfi og viljum við hvetja alla til að taka þátt í göngunum. 
Og þessu tengt: Á heimasíðu skíðagöngudeildar Völsungs stendur þetta í dag: Búið að troða frá Hóli og uppá Grásteinsheiði.

Dagskrá Íslandsgöngunnar 2012
11. -12. febrúar:  Skíðastaðagangan, Akureyri www.skidi.is
25. -26. febrúar:  Fjarðagangan, Ólafsfirði http://skiol.fjallabyggd.is/
03.-04. mars: Bláfjallagangan, Reykjavík www.skidagongufelagid.blog.is 5 km, 10 km, 20 km
17.-18. mars:  Strandagangan, Hólmavík www.strandagangan.blogcentral.is 1 km, 5 km, 10 km, 20 km
14.-15. apríl:  Buchgangan/Orkugangan, Húsavík www.volsungur.is/skidaganga 1 km, 5 km, 10 km, 20 km, 60 km
28.apríl - 29. apríl:  Fossavatnsgangan, Ísafirði www.fossavatn.com 7 km,  10 km,  20 km, 50 km

Skáksamband Íslands, Skákakademia Reykjavíkur og Skákfélagið Goðinn kynna íslenska skákdaginn.
Íslenski skákdagurinn verður haldinn um allt land fimmtudaginn 26. janúar – á afmælisdegi fyrsta stórmeistara Íslendinga, Friðriks Ólafssonar.
Á íslenska skákdeginum verður teflt um allt Ísland, til sjávar og sveita. Taflfélög, skákklúbbar, grunnskólar, fyrirtæki og fleiri sameinast um að það verði teflt sem víðast á Íslandi og sem flestir landsmenn á öllum aldri setjist að tafli.
Er það von og vilji forvígismanna skákhreyfingarinnar að þeir fjölmörgu og kraftmiklu aðilar sem standa að skákstarfi í landinu haldi einhvern skemmtilegan skákviðburð  þennan merkisdag.
Skákfélagið Goðinn í Þingeyjarsýslu verður með opið hús af þessu tilefni í félagsaðstöðu sinni í Framsýnarsalnum að Garðarsbraut 26 á Húsavík kl 20:30 þann 26. janúar nk.
Þangað verður Þingeyingum boðið að koma og kynna sér starfsemi skákfélagins Goðans. Gestum verður boðið að tefla við skákmenn Goðans, horfa á myndasýningu af félagsstarfinu og þiggja veitingar í boði félagsins. 

Þær Mjöll Matthíasdóttir og Rósa Ösp Ásgeirsdóttir, stjórnarkonur í Kvenfélagasambandi Suður-Þingeyinga, komu færandi hendi á frjálsíþróttaæfingu HSÞ í höllinni á Húsavík í vikunni. Þær höfðu meðferðis tvo stóreflis bikara sem þær afhentu sambandinu að gjöf.
Að sögn Mjallar er þarna í raun um endurnýjun á bikurum að ræða. Frá árinu 1985 hafa verið veittir bikarar fyrir besta árangur drengja og stúlkna á Sumarleikum HSÞ og gaf MSKÞ stúlknabikarinn en Kvenfélagasambandið drengjabikarinn.
Þessir bikarar voru ef svo má segja orðnir “fullir” s.l. sumar, þ.e. ekki var pláss til að grafa nöfn fleiri sigurvegara á þá, þannig að þörf var nýrra bikara sem þær Mjöll og Rósa voru að afhenda nú og eru að þessu sinni báðir gefnir af Kvenfélagasambandinu, enda Mjókursamlaginu ekki lengur til að dreifa.
Ágústa Pálsdóttir tók við bikurunum fyrir hönd HSÞ og afhenti þá síðan sigurvegurum síðustu Sumarleikja til varðveislu fram að þeim næstu, þeim Elvari Baldvinssyni og Dagbjörtu Ingvarsdóttur.
Frá þessu var greint í Skarpi rétt fyrir jól, og myndirnar á Skarpur einnig.
Héraðssamband Þingeyinga þakkar Kvenfélagasambandinu kærlega fyrir góðan stuðning.

Þegar ekið er suður frá Húsavík blasir við til hægri handar mannvirki mikið. Þetta er reiðskemma sem stendur í Saltvíkurlandi skammt sunnan Húsavíkur og brátt verður tilbúin til notkunar. Skemman er í eigu hestamannafélaganna Grana og Þjálfa, og hafa þau stofnað hlutafélag um byggingu og rekstur hennar; Grána ehf.
Ekki þarf að efa að reiðskemman verður mikil lyftistöng í starfi félaganna. En auk þess verður hún til margra annarra hluta nytsamleg en reiðmennsku því skemman getur hentað undir aðra íþróttaiðkun og jafnvel samkomuhald af ýmsu tagi.
Aðalfundur Grána ehf var haldinn á dögunum og má lesa fundargerðina hér á heimasíðu Hestamannafélagsins Grana.

ÍSÍ auglýsir vorannarfjarnám 1. stigs þjálfaramenntunar ÍSÍ sem hefst mánudaginn 6. febrúar næstkomandi.  Námið er öllum opið sem lokið hafa grunnskólaprófi og gildir jafnt fyrir allar íþróttagreinar. Engar staðbundnar lotur eru í náminu heldur fer það alfarið fram á netinu. Alls er um 8 vikna nám að ræða og skila nemendur verkefni vikulega og taka auk þess tvö krossapróf.  Námið jafngildir ÍÞF 102-4 í framhaldsskólum og er þar með metið til eininga inn í þá skóla. 
Skráning er á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.   eða í síma 514-4000.  Með skráningu þarf að fylgja fullt nafn, kennitala, heimilisfang og netfang. Skráningarfrestur er til fim. 2. febrúar.
Þátttökugjald er kr. 24.000.- og eru þá öll námskeiðsgögn innifalin.
Allir sem ljúka náminu fá skírteini og þar með réttindi sem aðstoðarþjálfarar yngri iðkenda og auk þess rétt til að sækja 2. stig þjálfaramenntunar ÍSÍ.
Allar frekari upplýsingar um þjálfaramenntun ÍSÍ veitir sviðsstjóri þróunar- og fræðslusviðs á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.   eða í síma 460-1467.

Ungmennafélag Íslands hefur verið í góðu samstarfi við nokkra lýðháskóla í Danmörku í áraraðir. UMFÍ hefur m.a. styrkt fjölmörg íslensk ungmenni til dvalar í þessum skólum og gerir enn.
Einn af þeim skólum sem UMFÍ er í samstarfi við er lýðháskólinn í Viborg. Skólinn hefur nú ákveðið að bjóða nokkrum ungmennum skólastyrk á vorönn sem er frá 19. febrúar – 26. júní 2012 eða í samtals 18 vikur.
Heildarkostnaður vegna námsins ásamt fullu fæði og gistingu er 36.910 dkr. eða um kr. 800.000 íslenskar krónur. Styrkurinn nemur hinsvegar kr. 20.910 dkr. sem er um 460.000.- íslenskar krónur. Hlutur nemenda í þessar 18 vikur er því 16.000 dkr. eða einungis um 350.000 íslenskar krónur.
Upplýsingar um skólann má finna á heimasíðu hans giv.dk og síðan gefur Ómar Bragi Stefánsson hjá Ungmennafélagi Íslands frekari upplýsingar til áhugasamra. Netfang Ómars er Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.   og sími 898 1095.
Mynd: Frá íþróttalýðháskólanum í Viborg í Danmörku

Eins og áður hefur komið fram verður ársþing HSÞ haldið sunnudaginn 26. febrúar 2012. Þingið verður haldið í félagsheimilinu Hnitbjörgum á Raufarhöfn og hefst kl: 10:00.
Rétt til setu á þinginu eiga 99 fulltrúar frá 31 aðildarfélagi HSÞ. Auk þess er kveðið á um í lögum HSÞ að allir félagar innan UMFÍ og ÍSÍ hafi málfrelsi og tillögurétt á ársþingi, en kjörnir fulltrúar einir atkvæðisrétt.
Á þinginu verður lýst kjöri íþróttamanns HSÞ og íþróttamanna einstakra greina.
Aðildarfélög hafa samkvæmt venju verið beðin að skila til HSÞ skýrslu um helstu verkefni á nýliðnu ári, sem mun birtast í ársskýrslu HSÞ sem kemur út á þinginu. Skýrslunum þarf að skila eigi síðar en 10. febrúar. Mynd úr starfinu má gjarnan fylgja og ágætt er að miða við að skýrslan taki hámark eina A4-síðu.
Margra leiðir munu liggja á þingið og því er fólk hvatt til að sameinast í bíla. Það er bæði ódýrara, umhverfisvænna og skemmtilegra!

Goðinn stendur þessa dagana fyrir  lokuðu æfingamóti í S-V goðorði félagsins. Mótið hófst 12. janúar og stendur til 23. febrúar. Teflt er einu sinni í viku, 7 umferðir alls, og er mótið m.a. hannað til upphitunar fyrir lokaátökin í Íslandsmóti skákfélaga í mars.
Um er að ræða langsterkasta mót sem Goðinn hefur staðið að til þessa. Til leiks eru mættir nokkrir af öflugustu skákmönnum Goðans ásamt stigaháum og grjóthörðum boðsgestum frá öðrum skákfélögum. Meðal keppenda eru stórmeistari, þrír alþjóðlegir meistarar og fimm Fidemeistarar ásamt nokkrum Íslandsmeisturum og fleiri sigurvegurum kunnra skákmóta sem eru til alls líklegir.
Sérstaklega er ánægjulegt að nokkrir af hinum bráðefnilegu öðlingum eldri kynslóðarinnar taka þátt. Þar má nefna snillingana Gunnar Gunnarsson, Jónas Þorvaldsson og Harvey Georgsson að ógleymdum okkar manni, Birni Þorsteinsssyni.
Goðinn býður gesti sína velkomna og óskar keppendum öllum ánægjustunda og aukinnar þekkingar á leyndum dómum hinnar göfgu listar.
Frétt fengin af heimasíðu Goðans

Aðalfundur Umf. Langnesinga var mjög vel sóttur, en hann var haldinn 8. janúar sl.
Á fundinum voru hátt í 50 manns, ungir sem aldnir og ræddu mál ungmennafélagsins á breiðum grundvelli. Fram kom í skýrslu stjórnar að starfsemi UMFL hefur sjaldan eða aldrei verið jafn blómleg og það stendur ekkert annað til að bæta enn frekar í á árinu 2012. Auk æfinga í knattspyrnu og frjálsum íþróttum var boðið upp á leikjanámskeið í sumar og sl. haust var settur á stofn afreksíþróttaskóli sem hefur notið mikilla vinsælda. Félagið stóð fyrir hátíðahöldum á þjóðhátíðardaginn og stóð fyrir ýmsum fjáröflunum. Fjárhagur félagsins er góður.
Á fundinum var m.a. kynnt ný stefna UMFL í eineltismálum, sem og nýjar siðareglur félagsins. Ýmis verkefni eru framundan hjá félaginu, sem gaman verður að fylgjast með. Kjörin var ný stjórn á fundinum en hana skipa:
Sölvi Steinn Alfreðsson, formaður
Guðmundur Jóhannsson, varaformaður
Þorsteinn Ægir Egilsson, gjaldkeri
Helgi Mar Árnason, ritari
Oddný Kristjánsdóttir, meðstjórnandi
Varamenn eru Agnar Jónsson og Jóhann Guðmundsson.

Æfingabúðir frjálsíþróttaráðs HSÞ verða á Laugum á föstudag og laugardag, 20. - 21. janúar n.k. fyrir 11 ára og eldri. Æfingabúðirnar eru í umsjón Bróa og Selmdísar.
Dagskráin verður sem hér segir:
Föstudagur:
     Kl. 17:30. Æfingabúðir hefjast með æfingu
     Kl. 19:00. Hlaðborð í Dalakofanum
     KL. ????. Gist verður í vallarhúsinu við íþróttavöllinn.
Laugardagur:
    Kl. ???   Morgunmatur    
    Kl. 10:00 - 12:30. Æfing.
     Matarhlé
     Kl. 14:00 Sund
     Kl. 16:00 Æfingabúðir enda.
Ef veður leyfir verður einnig æft úti. 
Þátttaka tilkynnist á æfingu á miðvikudag, 18. janúar, eða í síma 891-7849 / 865-5741.
Hver og einn þarf að hafa með sér svefnpoka, sundföt, íþróttaföt úti og inni, nesti fyrir morgunmat og hádegismat (merkið nestið ykkar) og 2.500 kr. fyrir gistingu og hlaðborð á föstudagskvöldinu.
Frjálsíþróttafólk er hvatt til að taka þátt í æfingabúðunum sem eru góður undirbúningur fyrir komandi mót. Foreldrar eru hvattir til að sameinast með þátttakendur í bíla.
Sími hjá Bróa er 891 7849 og Selmdísi 865 5741.

Kæru félagar!

MINNI Á að umsóknarfrestur til þess að sækja um styrk í Aksturssjóð HSÞ rennur út næsta föstudag -  þann 20. janúar n.k. 

Umsóknareyðublað er hægt að nálgast hér á síðunni undir flipanum „skjöl“.  Sendið umsóknina rafrænt á netfang HSÞ,  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .

Hafdís Sigurðardóttir frjálsíþróttakona frá Tjarnarlandi í Þingeyjarsveit varð hlutskörpust í vali lesenda 641.is á Suður-Þingeyingi ársins 2011, sem lauk kl 13:13 í dag. Hafdís náði góðum árangri í langstökki á árinu, innanlands sem utan og er fremsta frjálsíþróttakona Þingeyinga í dag.  Þetta kemur fram á vefnum 641.is og samtali við Hafdísi sagðist hún vera ákaflega ánægð með valið og það væri henni hvatning til frekari afreka.
Sjá nánar á 641.is 

Öflugt blaklíf er á Húsavík og víðar á sambandssvæði HSÞ. Fjögur kvennalið og eitt karlalið frá Völsungi, karla- og kvennalið frá Mývetningi, karlalið frá Umf. Snerti á Kópaskeri og kvennalið úr Reykjadal tóku þátt í nýársmóti Völsung, sem sagt er frá hér fyrir neðan.
Lið frá Völsungi hafa tekið þátt í tveimur öðrum hraðmótum á Norðurlandi í vetur og þrjú mót til viðbótar eru framundan fram að Öldungamótinu í blaki. Eitt af þessum þremur hraðmótum heldur Völsungur þann 17. mars. Öldungamótið verður haldið á Tröllaskaga, þ.e. á Siglufirði, Ólafsfirði og Dalvík í lok apríl. Þar mun Völsungur eiga kvennalið í 2., 3., 5., 10. og 12. deild.
Einnig á Völsungur tvö kvennalið í Norðurlandsmóti í blaki, sem leikið er í tveimur umferðum.

Nýársmót Völsungs í blaki fór fram í Íþróttahöllinni á Húsavík sl. laugardag.
Alls mættu 27 lið til leiks, 8 lið í karlaflokki og 19 lið í kvennaflokki en þar var spilað í þremur deildum.
Liðin komu frá Siglufirði, Dalvík, Akureyri, Reykjadal, Mývatnssveit, Kópaskeri, Vopnafirði og fimm lið frá Völsungi.
Mótið hófst klukkan 9 um morguninn og voru leikar fjörugir og mörg skemmtileg tilþrif sáust hjá keppendum. Síðustu leikir voru spilaðir kl. 19:00. Að móti loknu komu flestir keppendur saman á Sölku og fögnuðu góðum degi.
Mynd: Sigurlið Völsungs í 2. deild kvenna.

Það er ýmislegt á seyði hjá frjálsíþróttafólki í byrjun árs. Þetta kemur fram á síðunni 123.is/hsth
Helgina 20. - 21. janúar verða æfingarbúðir á Laugum í umsjón Bróa þjálfara. Stefnt er að þær byrji seinnipartinn á föstudeginum þann 20. og þeim ljúki seinnipartinn þann 21. Nánar um æfingarbúðirnar síðar.
Helgina 28. - 29. janúar verður Stórmót ÍR í Reykjavík. Mótið hefst kl. 9:00 á laugardeginum og því lýkur upp úr miðjum degi á sunnudeginum. Það virðist vera ágætur áhugi hjá krökkunum að vera með og við hvetjum alla til að mæta á þetta fyrsta stórmót ársins. Það er verið að skoða að leigja rútu fyrir mannskapinn og gista saman á Farfuglaheimilinu. Þeir sem ætla að fara skulu láta vita sem fyrst á æfingu hvort þeir vilji vera með í rútu og/eða gista á Farfuglaheimilinu. Nánar um ferðatilhögun síðar.
Helgina 4. 5. febrúar verður Meistaramót 15-22 ára innanhúss haldið í Reykjavík og helgina 25. - 26. febrúar verður Meistaramót 11-14 innanhúss haldið, einnig í Reykjavík. Nánar um þessi mót síðar.
Eins og þið sjáið þá er nóg um að vera á næstunni.

Landsbankinn veitti í gær 5 milljónum króna í umhverfisstyrki  úr  Samfélagssjóði Landsbankans. Meðal styrkþega var Ungmennafélagið Einingin sem fékk styrk til að bæta aðgengi og stuðla að umhverfisvernd við náttúruperlurnar, Aldey og Aldeyjarfoss sem laða stöðugt að fleiri ferðamenn. 
Að sögn Sigurlínu Tryggvadóttur formanns Umf. Einingarinnar var byrjað fyrir tveimur árum að bæta aðgengi að fossunum að austan en þangað var aðeins torfær leið sem nú hefur verið endurbætt. Einnig er búið að merka gönguleið og er ætlunin í sumar að bera ofan í gönguleiðina og setja upp skilti.
Nánar um styrkveitinguna má sjá hér.

Hið árlega undirbúningsmót knattspyrnuliða í meistaraflokki karla á Norðurlandi – Hleðslumótið 2012 hófst í gærkvöldi í Boganum á Akureyri. Mótið er á vegum knattspyrnudómarafélags Norðurlands (KDN) og styrktaraðili þess er Mjólkursamsalan.
Tvö félög af sambandssvæði HSÞ taka þátt í mótinu, Magni á Grenivík og Völsungur á Húsavík.
Opnunarleikurinn í gærkvöldi var viðureign Þórs1 og Völsungs í A-riðli. Rétt áður en leikurinn hófst undirritaði fulltrúi KDN samning við Mjólkursamsöluna um nafn og styrktaraðila mótsins. Leiknum lauk með sigri Þórs 4-1. Hrannar Steingrímsson skoraði fyrir Völsung. Hér má sjá svipmyndir frá leiknum.
Liðin sem taka þátt að þessu sinni auk Magna og Völsungs eru Dalvík/Reynir, KA1, KA2, KF, Þór1 og Þór2. Þau skiptast niður í tvo riðla:
A-riðill: Dalvík/Reynir, KA2, Völsungur, Þór1
B-riðill: KA1, KF, Magni, Þór2.
Allir spila við alla í hvorum riðli og að riðlakeppni lokinni leika liðin sem enda í sömu sætum í riðlunum um endanlegt sæti í mótinu. Leikirnir fara fram í janúar og febrúar.
Aðrir leikir fyrstu umferðarinnar eru sem hér segir:
B-riðill lau 7. jan 14:15 KA1 – Magni
A-riðill lau 7. jan 16:15 KA2 – Dalvík/Reynir
B-riðill sun 8. jan 15:15 Þór2 – KF
Úrslitin verða leikin 5. og 12. febrúar.

Þrettándagleði Ungmennafélagsins Gamans og alvöru, sem haldin hefur verið í um þrjátíu ár, fór fram á þrettándanum, 6. janúar. Óvenju margir voru samankomnir í Ljósvetningabúð þetta kvöld eða um 120 manns að sögn húsvarðar, Ólafs Ingólfssonar, en þarna er fólk á öllum aldri.
Samkoman hófst á því að kveikt var í bálkesti og stórglæsilegri flugeldasýningu í umsjón Björgunarsveitarinnar Þingey.
Sá háttur er hafður á að fólk kemur með kökur eða brauð og leggur á sameiginlegt hlaðborð, ungmennafélagið leggur til kaffi og te, djús og mjólk. Hlaðborðið var eins og á rausnarlegu sveitaheimili og greinilegt er að sveitungarnir leggja sig fram um að hafa þetta veglegt.
Þá er siður að vera með smákökusamkeppni sem ætluð er börnum og verðlaunagripurinn er stórt kökukefli. Vinningshafar skrifa nafn sitt á keflið með blýanti og síðan er farið ofan í skriftina með brennipenna. Sigurvegari í ár var Anton Karl Kristjánsson í Árlandi. Veitt voru verðlaun fyrir snyrtilegasta lögbýlið. Sigurður Haraldsson á Fellsenda fékk viðurkenninguna í ár.
Loks er spilað bingó og voru ágætir vinningar. Spilaðar voru um 20 umferðir en aðalvinning kvöldsins hlaut Hugrún Ólafsdóttir í Hlíð.
Frétt fengin af 641.is og þar má sjá fleiri myndir

Í dag, laugardaginn 7. janúar er haldið hið árlega Nýársmót Völsungs í blaki. Mótið hófst kl. 9:00 og áætlað er að síðustu leikir hefjist kl. 18:00.
Í ár mæta 27 lið til leiks allt frá Siglufirði til Vopnafjarðar, tíu karlalið og sautján kvennalið. Spilað verður í þremur deildum hjá konunum og einni deild hjá körlunum.
Kíkið endilega við í Höllinni og fylgist með skemmtilegri keppni þar sem leikgleðin er í fyrirrúmi.
Sjoppa á staðnum með ljúffengum veitingum að hætti blakara :)
Gleðilegt Völsungsár!
www.volsungur.is

Umf. Gaman og alvara stendur fyrir þrettándagleði föstudagskvöldið 6. janúar kl. 20:30 í Ljósvetningabúð, (með fyrirvara um veður og færð) og hefst að vanda með glæsilegri flugeldsýningu Björgunarsveitarinnar Þingeyjar.
Eins og venjulega kemur hver með brauð/köku og leggur á sameiginlegt hlaðborð. Í boði verður kaffi, te og djús.
Spilað verður bingó, spjaldið kostar 500 kr.
Veitt verður viðurkenning fyrir snyrtilegasta lögbýlið.
Krakkar munið smákökusamkeppnina : )
Þetta hafa alltaf verið góðar samkomur og auðvitað eru allir íbúar Þingeyjarsveitar velkomnir.

Umf. Gaman og alvara

Þá er komið að jólamótinu góða...
Árlegt jólamót Skotfélags Húsavíkur verður haldið 30. desember kl.12:00, skotnir verða 2 hringir + final, og skotið verður í tveimur flokkum. Skotnir verða 2 hringir og finall. Keppnisgjald - 2.500 kr. + skot.
Höldum í hefðir og mótið verður haldið á þessum tíma á þessum degi sama hvernig viðrar.
Áhorfendur eru velkomnir og auðvitað verður heitt á könnunni og kannski eitthvað gott með því !
Frétt fengin af 640.is