Héraðssamband Þingeyinga

Í tilefni af verkefni UMFÍ  "Fjölskyldan á Fjallið"  verður gengið á Vindbelgjarfjall í Mývatnssveit laugardaginn 15. júní.  Öðru nöfnum nefnist fjallið af heimamönnum – ýmist Belgjarfjall eða Vindbelgur - þetta síðastnefnda einna skemmtilegast.  Fjallið er eins og önnur skyld, harla bratt efst og laust í sér, en gróið neðan til.  Hvergi er þó neitt klifur og leiðin fær fyrir alla.  Þegar upp er komið geta göngumenn þaulskoðað Mývatn og hinar mörgu eyjar og gervigíga.

Lagt verður af stað kl. 10:00 frá bílaplani, sem er við leiðina norðan við Mývatn, við bæinn Vagnbrekku - ekki langt frá "Fuglasafni Sigurgeirs"

Fjöll HSÞ í ,,Fjölskyldan á fjallið" árið 2013 eru:

 Kollufjall við Kópasker    og    Vindbelgjarfjall í Mývatnssveit.

Gestabókum í þar til gerðum kassa er komið fyrir uppi á fjöllunum og HSÞ hvetur Þingeyinga, og aðra sem leið eiga um okkar svæði, til að ganga á fjöllin og skrá nafn sitt í bækurnar.  Að hausti er síðan dregið úr hópi þátttakenda og veitt útivistarverðlaun.  Nánari upplýsingar eru á www.ganga.is

Almenningsíþróttanefnd HSÞ

Aðalfundur Íþróttafélagsins Völsungs verður haldinn þriðjudaginn 4. júní kl.20:00 á Grænatorgi í Íþróttahöllinni á Húsavík.

Dagskrá:
- Venjuleg aðalfundarstörf
- Lagabreytingar
- Önnur mál

ATH:     Allir skuldlausir félagsmenn hafa málfrelsi,tillögurétt og atkvæðisrétt á aðalfundi.

Aðalstjórn Völsungs

Góður og gagnlegur "Formannafundur HSÞ" er ný afstaðinn, en slíkur fundur er haldinn árlega og er hlutverk hans að vera upplýsingafundur fyrir formenn aðildarfélaga HSÞ.  Að þessu sinni mættu 9 formenn af 27 formönnum virkra aðildarfélaga.  

Hvetjum formenn til þess að gera enn betur næsta ár! 

Jóhanna Sigríður Kristjánsdóttir, formaður HSÞ, setti fundinn og sagði frá þátttöku HSÞ í starfi ungmenna innan UMFÍ.  Á ráðstefnuna "Ungt fólk og lýðræði" fór einn þátttakandi og hefur hann nú verið tilnefndur af HSÞ í "Ungmennaráð UMFÍ". Norræna ungmennavikan verður í byrjun júlí og þar mun HSÞ líklega eiga tvo fulltrúa sem taka þátt, annar sem leiðtogi og hinn sem þátttakandi.  Afreksmannasjóður og Aksturssjóður HSÞ eiga á brattann að sækja þessa dagana, því erfitt reynist að ná inn fjármagni til þess að þeir standi undir sér.  Fræðslusjóður HSÞ er á s.k. "föstum fjárlögum" hjá sambandinu og er auglýst eftir umsóknum 3x á ári í hann.  Engar umsóknir bárust í vor. Næst auglýst 15. ágúst.

Formenn frjálsíþróttaráðs og nefnda HSÞ veittu upplýsingar varðandi starf þeirra s.l. ár og um það starf sem framundan er á þessu ári.  Þar kom ýmislegt skemmtilegt fram en helst er að nefna að í tengslum við aldarafmæli HSÞ 2014 þá eru 3 nefndir í þokkalegum gír nú þegar; Afmælisnefnd, Sögu- og minjanefnd og Landsmótsnefnd 50+  - en það landsmót verður haldið á Húsavík á afmælisárinu.  

Þá er einnig markvert að Frjálsíþróttaskóli UMFÍ verður haldinn í 3ja sinn í sumar á Laugum í Reykjadal 10. - 14. júní.  Nánari upplýsingar um skólann er að finna á www.umfi.is  - en þeir sem hafa áhuga á að senda börn sín í skólann hafi samband sem fyrst við formann ráðsins, Ágústu í netfangi Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .  Sumarleikar HSÞ verða að þessu sinni seint í júlí, Héraðsmót í sundi verður á sínum stað í haust, óljóst enn með Héraðsmót í knattspyrnu, Landsmótsnefnd 2013 fyrir "stóra landsmótið" - þetta gamla góða - er í góðum gír og stefnir að því að fara með góðan hóp keppenda, eða um 70 manns.  Þeir sem áhuga hafa á að fara með eru hvattir til þess að hafa samband við Halldóru, formann nefndar í netfangið Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. eða   framkvæmdastjóra HSÞ á netfangið Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.  

HSÞ tekur þátt í "Fjölskyldan á fjallið", sem er almenningsíþróttaverkefni UMFÍ, með því að tilnefna tvö fjöll á starfsvæði sínu og sjá um að fara með gestabókar-kassa upp á fjöllin þar sem gangandi almenningur getur skráð sitt nafn.  Að hausti eru síðan dregin nöfn úr hópi þátttakenda og viðkomandi fær verðlaun - sjá nánar á www.ganga.is  Fjöllin sem HSÞ tilnefndi í ár eru:

Kollufjall við Kópasker  og  Vindbelgjarfjall í Mývatnssveit

Á fundinum fór einnig mikið fyrir að upplýsa um öll landsmótin sem framundan eru, en í ár verða haldin þrjú landsmót á vegum UMFÍ;  Landsmót 50+ í Vík í Mýrdal 7. - 9. júní, Landsmót UMFÍ á Selfossi 4. - 7. júlí- oft nefnt nú "Stóra landsmótið" til aðgreiningar frá hinum - og svo Unglingalandsmótið sem haldið verður í Höfn í Hornafirði um verslunarmannahelgina.

Í lok fundar var farið yfir ýmislegt sem GOTT ER AÐ VITA - m.a. hélt Halldóra, ritari HSÞ, tölu yfir okkur um það hvað það þýðir að stofna deild innan aðildarfélags.

HSÞ hvetur aðildarfélög sín til þess að setja metnað sinn í að hafa innan sinna raða vel hæft og menntað fólk við þjálfun íþrótta.  Munið svo eftir að sækja um styrk í Fræðslusjóð HSÞ til þess að fá upp í kostnað.  Næsti umsóknarfrestur er 15. ágúst – verður auglýst síðar.

Vekjið athygli ykkar þjálfara / leiðbeinenda á þessarri auglýsingu, en námið verður einnig auglýst á isi.is og í Morgunblaðinu og Fréttablaðinu.

Allar frekari uppl. eru fúslega veittar hjá:

Viðar Sigurjónsson hjá ÍSÍ

Sími 460-1467 & 863-1399

netfang: Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Nánari upplýsingar er að finna hér fyrir neðan:

Hafdís Sigurðardóttir tvíbætti Íslandsmetið í langstökki á Kastmóti UFA sem fram fór á Akureyri í gær. Hafdís stökk 6,31 í þriðju umferð og bætti metið um 1. cm. Hún bætti svo um betur og stökk 6,36 m í síðustu umferðinni.  Gamla metið átti Sunna Gestsdóttir, en það var sett fyrir 10 árum.

”Ég réði mér ekki fyrir gleði og grét bara. Ég er varla búin að átta mig á þessu og var lengi að þerra tárin”

sagði Hafdís á Facebook-síðu sinni í gærkvöld.

Hafdís er greinilega í góðu formi því hún hljóp svo 60 m hlaupið á 7,70sek, sem er vel undir gildandi Íslandsmeti í greininni, en meðvindur var of mikill þannig að Hafdís fékk ekki staðfest Íslandsmet þar.  Þetta var fyrsta utanhússmót Hafdísar hér heima á árinu, en um helgina heldur hún utan ásamt Þorsteini Ingvarssyni og fleiri Íslenskum keppendum til þess að keppa á Smáþjóðaleikunum Í Luxemborg.  Þessi frábæri árangur Hafdísar í dag gefur góð fyrirheit fyrir keppni þar ó borg.

Knattspyrnuliði Íþróttafélagsins Magna, sem spilar nú í 3. deild, tókst að slá út 1. deildar lið KA  í 2. umferðinni í bikarkeppni KSÍ, Borgunarbikarnum, s.l. þriðjudagskvöld.  Leikurinn fór fram í Boganum á Akureyri og lauk með sigri Magna, 2:1 og er liðið þar með komið í 32 liða úrslitin. Markaskorarar voru Hreggviður Gunnarsson og Lars Óli Jessen en Bjarki Baldvinsson skoraði fyrir KA. 

UMSÓKNARFRESTUR er að þessu sinni til 27. maí  n.k.

Samkvæmt reglum sjóðsins, 7.grein (sjá neðar),  þá átti að auglýsa eftir umsóknum fyrir 15. apríl, en það fórst alveg fyrir og biðst framkvæmdastjóri afsökunar á því.  Hins vega bárust engar umsóknir sem hefðu getað minnt á þetta.  Næsti stjórnarfundur HSÞ verður þann 29. maí og þá verða umsóknir teknar fyrir og afgreiddar.  

Nú er tækifæri til að sækja um - og eru aðildarfélög eindregið hvött til þess.

Úr reglum Fræðslusjóðs HSÞ:

7. grein
Öll aðildarfélög innan HSÞ eiga rétt á að sækja um styrk úr sjóðnum.
a. Styrkupphæðir taka mið af fjármagnsgetu sjóðsins hverju sinni.
b. Úthlutun úr sjóðnum fer fram 3 sinnum á ári. Umsóknir þurfa að berast fyrir 15. apríl, 15. ágúst og 15. desember til skrifstofu HSÞ, undirritaðar af formanni viðkomandi aðildarfélags.
c. Styrkupphæð nemur allt að helming námskeiðsgjalds hverju sinni.
d. Aðrar úthlutanir fara eftir ákvörðun stjórnar sjóðsins hverju sinni.

UMFÍ framlengir umsóknarfrest til 17. maí nk.  Nokkur pláss laus !!    

Ungmennavika NSU (Nordiske Samorganisation for Ungdomsarbejde) Panorama of Youth – verður haldin á Sólheimum dagana 1.-8.júlí nk. Þema vikunnar er víðsýni, samvinna, traust og umburðarlyndi en þessa þætti verður unnið með í gegnum íþróttir og leik. Markmiðið er að auka víðsýni þátttakenda fyrir ólíkum einstaklingum og auka umburðarlyndi fyrir skoðunum annarra. Unnið verður með „non-formal education“ nálgun eða óformlegt nám og því skipa hreyfing, útivera og vettvangsferðir stóran sess í dagskrá vikunnar.

UMFÍ og NSU eru þátttakendur í  MOVE WEEK herferð sem  ISCA (International Sport and Culture Association) stendur fyrir. MOVE WEEK er herferð sem ISCA ætlar sér að verði stærra verkefni á næstu árum. Árið 2012 var tekið sem undirbúningur fyrir árin sem eftir koma og markmiðið er að árið 2020 verið 100 milljónir fleiri Evrópubúa  farnir að hreyfa sig reglulega.

Þátttakendur í ungmennaviku fá þjálfun í að skipuleggja, halda utan um og framkvæma viðburði sem hvetja fólk til þátttöku og hreyfingar sér til heilsubótar. Þátttakendur munu vinna áfram með verkefni sín eftir ungmennavikuna í samstarfi við UMFÍ.

Ísland á sæti fyrir  sex ungmenni á aldrinum 16.-30. ára .Þátttökugjald fyrir þátttakendur er 25.000 kr. og allt innifalið. Miklir möguleikar á að fá styrki í verkefnið.

Í umsókn þurfa að koma fram helstu upplýsingar, nafn, aldur, heimilisfang, nöfn forráða manna eftir umsækjandi er undir 18.ára aldri og upplýsingar um færni á norðurlandamáli. Stutt ágrip af helstu áhugamálum, námi og af hverju viðkomandi hefur áhuga á að taka þátt.

Allar nánari upplýsingar  veitir Sabína Steinunn    

Landsfulltrúi UMFÍ

Á netfanginu Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

eða í síma 568-2929.

Stefnumótandi ráðstefna um Landsmót UMFÍ verður haldin á    
hótel Húsavík á morgun, laugardag, þann 11. maí 2013
Ráðstefnan byrjar kl. 11:00  og stendur til kl. 17:00.

Ráðstefnan er opin öllum.

Þátttaka tilkynnist Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

FRÁ UMFÍ:

Kæru félagar

Eins og þið vitið þá verður Landsmót UMFÍ 50 + haldið helgina 7. – 9. júní í  Vík í Mýrdal.

Við hvetjum ykkur til að taka þátt í þessu skemmtilega móti J og senda þessar upplýsingar á sem flesta. Allir geta tekið þátt í mótinu óháð félagsaðild að ungmennafélagi.

Mótið er íþrótta - og heilsuhátíð með fjölbreyttri dagskrá. Auk  keppni í hinum ýmsu íþróttagreinum verður boðið upp á  ýmsa  afþreyingu fyrir keppendur og gesti. Hægt verið að fara í sögugöngu um Vík í Mýrdal, Zumba, sundleikfimi, kvöldvökur og enda kvöldið á dansleik. Því er óhætt að segja að eitthvað verður í boði fyrir alla.

Keppnisgreinar á mótinu eru: Utanvegarhlaup um náttúruperlur Mýrdals, boccia, bridds, golf, frjálsíþróttir, hestaíþróttir, línudans, pútt, ringó, skák, pönnukökubakstur, dráttavélaakstur, kjötsúpugerð, ljósmyndamaraþon,búfjárdómar, sund, sýningar,  þríþraut og utanvegar hjólreiðar. Allir á aldrinum 50 ára og eldri geta tekið þátt í keppnisgreinum mótsins. Þátttakendur greiða eitt mótsgjald og öðlast með því þátttökurétt í öllum keppnisgreinum. Mótsgjald er 3500 krónur óháð greinafjölda. Skráning fer fram á heimasíðu mótsins  www.landsmotumfi50.is.

Sjáumst á Landsmóti UMFÍ 50 + í Vík í Mýrdal 7. – 9. júní 2013 kát og hress !

Mínar allra bestu kveðjur,

Sigurður Guðmundsson framkvæmdarstjóri Landsmóts UMFÍ 50 +

Frekari upplýsingar um mótið er að finna inn á www.landsmotumfi50.is eða senda póst á   Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. sími: 568-2929

AÐALFUNDUR HESTAMANNAFÉLAGSINS FEYKIS verður haldinn í Lundi fimmtudagskvöldið 2. maí kl. 20:00.

Dagskrá:

Venjuleg aðalfundarstörf.
Inntaka og úrsögn nýrra félaga, kosningar, ársreikningar og önnur mál.

Léttar veitingar og kaffi á könnunni.

Vegna lítillar mætingar á síðasta aðalfund hvetjum við sem flesta til að mæta og ræða framtíð félagsins okkar.

Stjórnin.

AÐRIR AÐALFUNDIR HALDNIR Á NÆSTUNNI – nánar auglýst síðar:

Aðalfundur Ungmennafélagsins Eflingar verður haldinn fimmtudaginn 9. maí klukkan 20:00 í matsal Litlulaugaskóla.

Aðalfundur UMFL verður haldinn sunnudaginn 28. apríl 2013  kl. 16:00  í kaffistofu Þórsvers.

Boðið verður upp á grillaða pylsur og gos eftir aðalfund. Einnig verður boðið upp á bíó um leið og grillið byrjar fyrir káta krakka.

Dagskrá

Venjuleg aðalfundarstörf

Stjórn UMFL

Aðalfundur Umf Bjarma verður haldinn Í KVÖLD 7. apríl kl. 20:00 í Gamla Barnaskólanum í Skógum.

Venjuleg aðalfundarstörf og veitingar að hætti stjórnar.  Allir velkomnir!

Stjórnin.

Aðalfundur Hestamannafélagsins Þjálfa verður haldinn fimmtudaginn 11. apríl kl. 20:30 í Staðarhrauni.

Venjuleg aðalfundarstörf og kaffi og með því í boði félagsins.  Vonast er til að sjá sem flesta - nýja og gamla félaga.

Stjórnin.

Frestur til að skila inn umsóknum í umhverfissjóð UMFÍ rennur út 15. apríl. Sjóðurinn styrkir umhverfisverkefni af ýmsu tagi. Skilyrði fyrir styrkjum er að styrkþegi sé félagi / félag í UMFÍ.
Sjóðurinn er minningarsjóður Pálma Gíslasonar sem var formaður UMFÍ frá 1979 – 1993. Stofnendur sjóðsins eru fjölskylda Pálma Gíslasonar ásamt ungmennafélagshreyfingunni og aðrir velunnarar.
Aðildarfélög HSÞ eru hvött til að sækja um í sjóðinn ef þau eru með hugmyndir um verkefni á sviði náttúru og umhverfis.
Nánari upplýsingar og umsóknareyðublöð eru hér.

Góð þátttaka var á unglingadómaranámskeið KSÍ sem Völsungur hélt í dymbilvikunni. Það var Þóroddur Hjaltalín sem fór yfir efnið með þeim sem hlýddu á. Aðallega voru það krakkar úr 3. flokki karla og kvenna sem að sátu námskeiðið. Námskeiðið hjálpar knattspyrnufólki að sklilja reglurnar betur og skilja allar hliðar leiksins sem vonandi skilar sér í betri leikmönnum og jafnvel efnilegum dómurum.
www.volsungur.is

AÐILDARFÉLÖG HSÞ TAKIÐ EFTIR: 

Haldið verður
FELIX-námskeið þriðjudaginn 9. apríl kl. 18:00
í Urðarbrunni á Laugum í Reykjadal.

Gott tækifæri til að fá aðstoð við starfsskýrslugerð !
ALLIR velkomnir - og mikilvægt að hafa með sér sína fartölvu.
Leiðbeinandi:  Óskar Örn Guðbrandsson, ÍSÍ.

STUTT LÝSING Óskars á námskeiðinu: Byrjað er á stuttri kynningu (30-45 mín) og síðan væri best ef þátttakendur gætu opnað kerfið sjálfir og unnið – þannig að það þyrftu allir að vera með tölvur og það þyrfti að vera nettenging.  Þá myndi ég ganga á milli og hjálpa til með aðgerðir sem fólk lendir í vandræðum með.  Tímalengdin er þá í raun opin en fínt að gera ráð fyrir c.a. 2-3 klst með öllu.

MUNA:  starfsskýrsluskil í FELIX – félagakerfi UMFÍ og ÍSÍ er 15. apríl.

TAKIÐ EFTIR!

Umsóknarfrestur í Fræðslu- og verkefnasjóð UMFÍ hefur verið framlengdur til 15. apríl n.k. 

Nánar um sjóðinn:  Fræðslu- og verkefnasjóður UMFÍ

AÐALFUNDUR FRJÁLSÍÞRÓTTARÁÐS HSÞ

verður haldinn þriðjudaginn 9. apríl n.k.
á Grænatorgi í Íþróttahöllinni á Húsavík kl. 20:00

Dagskrá fundarins:

1. Setning aðalfundar
2. Kosning fundarstjóra og ritara
3. Kosning kjörbréfanefndar og allsherjarnefndar (3 menn í hvora)
4. Skýrsla fráfarandi stjórnar
5. Endurskoðaðir reikningar lagðir fram til samþykktar ásamt fjárhagsáætlun næsta árs. Einnig árstillögur ef til kemur
6. Lagabreytingar og tillögur sem borist hafa, teknar til meðferðar
7. Kosning formanns ráðsins
8. Kosning ritara sem er jafnframt varaformaður
9. Kosning gjaldkera
10. Kosning  tveggja varamanna í stjórn og tveggja skoðurnarmanna.
11. Önnur mál
12. Fundi slitið

Með von um að sjá ykkur sem flest, 
Friðrika Björk Illugadóttir, formaður frjálsíþróttaráðs HSÞ 

Páskabingó Mývetnings verður haldið í Reykjahlíðarskóla miðvikudagskvöldið 27. mars n.k. og hefst kl. 20:00 stundvíslega.Spjaldið kostar 500 kr. og lofað er fjölda góðra vinninga.
Stjórn Mývetnings hvetur fólk til að mæta vel og styrkja gott málefni. Þá er öllum þeim sem gáfu vinninga færðar þakkir.

Næsta úthlutun úr fræðslu- og verkefnasjóði UMFÍ fer fram 1. maí nk. og er umsóknarfrestur til 1. apríl vegna þeirrar úthlutunar. Aðildarfélög HSÞ eru hvött til að senda inn umsóknir í sjóðinn.
Tilgangur sjóðsins er að styrkja félags- og íþróttastarf ungmennafélagshreyfingarinnar m.a með því að auka menntun og þekkingu félaga innan hreyfingarinnar á íþróttagreinum, þjálfun, í félagsmálum og félagsstarfi.
Rétt til styrkveitingar úr sjóðnum eiga allir félagar í ungmennafélögum sem eru virkir í starfi og hafa uppáskrift síns félags eða sambands til að afla sér aukinnar þekkingar á sínu sérsviði sem gæti nýst viðkomandi félagi, sambandi og ungmennafélagshreyfingunni í heild. Einnig eiga stjórn og nefndir UMFÍ, héraðssambönd, ungmennafélög og deildir innan þeirra rétt á að sækja um styrk úr sjóðnum.
Nánari upplýsingar og umsóknareyðublað hér. Athugið að umsóknarfrestur rennur út eftir viku, þann 1. apríl.

Páskaskákmót Goðans-Máta verður haldið í kvöld, laugardagskvöldið 23. mars og hefst það kl 20:20 !! Mótið fer fram í sal Framsýnar að Garðarsbraut 26 á Húsavík. Tefldar verða 7 umferðir og verða tímamörkin 10 mín á mann, auk 5 sek viðbótartíma fyrir hvern leik.
Í verðlaun verða páskaegg fyrir þrjá efstu í fullorðinsflokki og handa öllum keppendum í flokki 16 ára og yngri. Vinningahæsti keppandinn fær nafnbótina Páskaskákmeistari Goðans-Máta 2013.
Skráning er hjá formanni í síma 464-3187 og 821-3187 eða á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Íslandsglíman fer fram í íþróttahúsinu Iðu á Selfossi í dag, laugardag og hefst keppni nú síðdegis eða kl 16:00. Tólf karlar og sex konur eru skráðir til þátttöku. 
Þingeyskir keppendur á Íslandsglímunni eru þeir Pétur Þórir Gunnarsson, Bjarni Þór Gunnarsson og Einar Eyþórsson, allir úr Mývetningi.

Aðalfundur Hestamannafélagsins Snæfaxa var haldinn í gærkvöldi á Þórshöfn. Í skýrslu formanns kom fram að gott starf var unnið á síðasta ári, námskeið voru vel sótt og góðar samkomur af ýmsu tagi voru haldnar.
Fjörugar og góðar umræður urðu um hin ýmsu málefni félagsins. Fundarmenn ræddu fjármál, reiðvallarmál og reiðvegi, bætta aðstöðu í reiðhöllinni Kaplaborg, frekara námskeiðahald, samkomur og mót. Ákveðið var að gera átak í aukinni hjálmanotkun félagsmanna. Einnig að kanna frekara samstarf við nágrannafélög hestamanna.Í stjórn félagsins eru:
Jón Rúnar Jónsson
Steinunn Leósdóttir
Árni Davíð Haraldsson
Ívar Jónsson
Kristjana Þorláksdóttir
Fulltrúi HSÞ á fundinum var Halldóra Gunnarsdóttir

Þriggja kvölda spilakvöld stendur nú yfir hjá Umf. Bjarma. Spilað er í Gamla barnaskólanum í Skógum og eru tvö kvöld að baki. Þriðja og síðasta spilakvöldið verður miðvikudagskvöldið 27. mars kl. 20:30.
Það er spilanefnd Umf. Bjarma sem sér um spilakvöldin

Unglingadómaranámskeið í knattspyrnu verður haldið þriðjudaginn 26. mars 2013 í íþróttahúsinu á Húsavík.
Námskeiðið er haldið af KSÍ í samvinnu við Völsung og hefst kl. 17:00. Námskeiðið stendur í um tvær og hálfa klukkustund og er öllum opið sem náð hafa 15 ára aldri.
Á námskeiðinu er lögð aðaláhersla á knattspyrnulögin en auk þess verður einnig farið yfir ýmis konar kynningarefni, fræðsluefni, skýringar og skýringarmyndir. Námskeiðinu lýkur með skriflegu prófi viku síðar.
Námskeiðið er ókeypis.
Sá sem lýkur unglingadómaraprófi hefur rétt á að dæma í 4. flokki og neðar ásamt því að vera aðstoðardómari upp í 2. flokk.
Skráning er hafin á  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Veðrið er verulega að stríða okkur þennan veturinn - því nú þarf Frjálsíþróttaráð HSÞ að fresta sínum aðalfundi aftur.  Fundurinn átti að vera í kvöld á Grænatorgi, en er frestað um óákveðinn tíma.

Verður auglýst þegar að þriðju tilraun kemur. 

Hestamannafélagið Snæfaxi sem starfar á Þórshöfn og í Þistilfirði heldur reiðnámskeið nú um helgina í Kaplaborg að Gunnarsstöðum. Leiðbeinandi er Lina Erikson reiðkennari.
Fyrirhugað er að halda annað reiðnámskeið 6. og 7. apríl með sama reiðkennara ef næg þátttaka verður fyrir hendi.

Aðalfundur Snæafaxa verður haldinn fimmtudagskvöldið 21. mars 2013 í Grunnskólanum á Þórshöfn kl.20:00.
Allir velkomnir, sérstaklega nýir félagar.
Hefðbundin aðalfundarstörf.
Stjórnin

Fjallalambsdeildin í blaki karla var stofnuð af Umf. Snerti og er rekin af Andra Hnikarri ásamt öðrum leikmönnum Snartar. Frá þessu segir á heimasíðu deildarinnar, www.fjallalambsdeildin.is.
Tímabilið 2012 - 2013 er annað tímabil deildarinnar en í vetur taka þátt lið frá KA, Óðni/Skautum, Völsungi, Umf. Snerti, Rimum frá Dalvík og Hyrnunni á Siglufirði.
Deildin var upphaflega stofnuð til að tengja saman hraðmótin sem þegar eru orðin fastur liður í vetrarstarfinu og nýta þau til að búa til heildstæða deildarkeppni sem gengið gæti allan veturinn. Við bættust svo 2 mót, annað á Kópaskeri vegna þess að öll lið í deildinni eiga að halda sitt ,,heimamót", og hitt á Laugum sem var lokamót deildarinnar og haldið á hlutlausum velli, en að því móti loknu fóru fram verðlaunaafhendingar og svo lokahóf.

Fyrsta mót vetrarins var á Dalvík í október, en önnur umferð í nóvember í Pakkhúsinu á Kópaskeri.  Í byrjun janúar var 3. umferð á Húsavík og 4. umferðin í íþróttahöllinni á Akureyri. Svo var haldið á Ólafsfjörð og Siglufjörð í lok febrúar.
Hápunktinum verður náð þegar lokaumferðin í Fjallalambsdeildinni verður háð á Laugum í Reykjadal á morgun, laugardaginn 16. mars 2013. Keppni hefst kl. 13:00 og má sjá leikaniðurröðun á heimasíðu deildrinnar.

Til þess að gera lokaumferðina svolítið meira spennandi og skemmtilegri hefur deildin sett liðunum fyrir þrjú miserfið þemaverkefni sem gilda til bónusstiga. Hægt er að fá 1 bónusstig fyrir hvert verkefni en liðin þurfa að uppfylla ströngustu reglur til að stig fáist fyrir verkefnin. Verkefnin taka mið af átakinu ,,mottumars" sem nú stendur yfir.
1. verkefni: Stig fæst ef allir leikmenn liðs sem taka þátt í lokaumferðinni eru í bleikum sokkum.
2. verkefni: Stig fæst ef allir leikmenn liðs sem taka þátt í lokaumferðinni eru með yfirvaraskegg á meðan á móti stendur. Ekki er leyfilegt að vera með alskegg, einungis mottu.
3. verkefni: Stig fæst ef allir leikmenn liðs sem taka þátt í lokaumferðinni spili berir að ofan í gallabuxum með númer teiknað á bakið.
Mótinu á Laugum lýkur með lokahófi, verðlaunaafhendingu og öllu tilheyrandi.

“Spennan er orðin óbærileg og gaman verður að sjá hvernig liðunum mun reiða af á Laugum þann 16. mars. Ná Völsungar að stela 1. sætinu af KA á lokasprettinum? Ná Hyrnumenn að skríða upp töfluna? Mun Snörtur kannski ráða úrslitum þegar allt kemur til alls? :)”
www.fjallalambsdeildin.is

Á heimasíðu Hestamannafélagsins Þjálfa er sagt frá tveimur námskeiðum sem eru framundan hjá félaginu.
Á morgun, laugardaginn 16. mars verður reiðnámskeið í Torfunesi fyrir byrjendur, þ.e.a.s. þau sem hafa verið undanfarin 2 námskeið. Aðrir byrjendur eru einnig velkomnir. Birna og Baldvin sjá um námskeiðið. Þátttökugjald er kr. 3.500 per barn.
Reiðnámskeið ætlað fyrir lengra komna eða vana, konur jafnt sem karla verður sunnudaginn 17. mars í Torfunesi. Kennari er Þórdís Anna Gylfadóttir reiðkennari á Hólum. Meiningin er að einungis tveir eða tvö séu saman í tíma. Þórdís Anna kæmi síðan aftur eftir 2-3 vikur og gætu þá þátttakendur komið aftur, ef vill. Verð: 6.500 á mann.
Nánari upplýsingar í síma 896-3507 Bryndís. 
Sjá nánar á thjalfi.123.is

Vel heppnað ársþing HSÞ var haldið í grunnskólanum á Grenivík sl. sunnudag. Um 50 þingfulltrúar frá 19 félögum sátu þingið auk gesta frá UMFÍ og ÍSÍ.
Þingið var starfsamt og gekk átakalaust fyrir sig. Reikningar sambandsins voru jákvæðir og samþykktir án umræðna. Fjöldi tillagna var afgreiddur úr nefndum eftir góðar umræður, að mestu án breytinga og samþykktur af þingheimi.
Ýmis málefni héraðssambandsins voru rædd, svo sem þátttaka í landsmótum UMFÍ og afmælisárið 2014. Þá verður gamla HSÞ 100 ára.
Tveir góðir félagar okkar voruð heiðraðir af íþrótta- og ungmennafélagshreyfingunni. Friðrika Björk Illugadóttir úr Umf. Eflingu í Reykjadal var sæmd silfurmerki ÍSÍ og Björn Ingólfsson á Grenivík sæmdur starfsmerki UMFÍ.
Akstursíþróttakonan Signý Stefánsdóttir úr Akstursíþróttafélagi Mývatnssveitar var valin íþróttamaður HSÞ árið 2012 úr hópi tilnefndra íþróttamanna.
Jóhanna Kristjánsdóttir var endurkjörin formaður sambandsins. Aðrir í stjórn eru:
Hermann Aðalsteinsson
Jóakim Júlíusson
Halldóra Gunnarsdóttir
Birna Davíðsdóttir
Einar Ingi Hermannsson
Stefán Jónasson
Í varastjórn eru:
Sigurfljóð Sveinbjörnsdóttir
Sigrún Marinósdóttir
Hörður Þór Benónýsson
Úr stjórn gengu þau Olga Friðriksdóttir og Pétur Þórir Gunnarsson.

Íþróttafélagið Magni og aðrir heimamenn sáu um móttökur af miklum myndarbrag og eru þeim færðar bestu þakkir, ásamt öðrum sem komu að undirbúningi þingsins.

Signý Stefánsdóttir Akstursíþróttafélagi Mývatnssveitar var valin íþróttamaður HSÞ árið 2012, en tilkynnt var um valið á ársþingi HSÞ sem fram fór á Greinvík s.l. sunnudag.  Hún var einnig valin akstursíþróttamaður HSÞ 2012.

Signý er 19 ára og hefur búið í Mývatnssveit í rúm 8 ár.  Hún er mjög metnaðarfull ung kona því fyrir utan að stunda háskólanám við Háskólann á Bifröst, þá leggur hún stund á flugnám hjá Flugskóla Akureyrar og gefur sér tíma til að stunda sínar akstursíþróttir og keppir fyrir Akstursíþróttafélag Mývatnssveitar.  Signý er svo sannarlega verðug því að vera kjörin Íþróttamaður HSÞ 2012 því hún hefur á undanförnum árum unnið fjölda Íslandsmeistaratitla í akstursíþróttum, m.a. í ískrossi, motocrossi og þolakstri. Hún var valin akstursíþróttakona ársins árið 2008 hjá MSÍ, keppti erlendis í heimsmeistaramóti kvenna í motocrossi árið 2009 og endaði í 27. sæti. Var töluvert frá keppni árið 2010 vegna meiðsla, en varð Íslandslandsmeistari í ískrossi árið 2011 og nú á síðasta ári varð hún Íslandsmeistari í öllum greinum sem keppt var í á vegum Mótorhjóla- og snjósleðaíþróttasambands Íslands og var að auki valin akstursíþróttakona ársins 2012. 

Einnig var tilkynnt um val á íþróttafólki úr hinum ýmsu íþróttagreinum sem stundaðar eru hjá aðildarfélögum HSÞ. Eftirtalið íþróttafólk var valið fyrir utan Signýju

Valdís Jósefsdóttir                    Sundmaður HSÞ 2012
Sigurður Unnar Hauksson        Skotíþróttamaður HSÞ 2012
Arnar Vilberg Ingólfsson          Golfmaður HSÞ 2012
Sigrún Lilja Sigurðardóttir         Fimleikamaður HSÞ 2012
Þorsteinn Ingvarsson                Frjálsíþróttamáður HSÞ 2012
Hrannar Björn Steingrímsson    Knattspyrnumaður HSÞ 2012
María Marta Bjarkadóttir         Hestaíþróttamaður HSÞ 2012
Þorsteinn Aðalsteinsson            Bogfimimaður HSÞ 2012

Ársþing Héraðssambands Þingeyinga verður haldið á morgun, sunnudaginn 10. mars, í Grunnskólanum á Grenivík.

Dagskrá hefst kl. 10:00 með venjubundnum þingstörfum, en þegar líður á daginn fer fram kosning nýrrar stjórnar HSÞ fyrir næsta starfsár.  Einnig munu koma góðir gestir frá ÍSÍ og UMFÍ og ávarpa þingfulltrúa og veita heiðursviðurkenningar.

Þegar líður á daginn, eða um kl. 15:00, þá verður tekið vel á móti því íþróttafólki sem hefur verið tilnefnt til íþróttamanna HSÞ 2012.  Viðurkenningar verða veittar og valinn "Íþróttamaður HSÞ 2012".

Eftirfarandi hlutu tilnefningu:

Nú er hafinn marsmánuður, sem er auðvitað miklu meira en bara einn af tólf mánuðum ársins.  Þetta er Mottumars, og á heimasíðu KSÍ segir að knattspyrnuhreyfingin muni að sjálfsögðu taka virkan þátt eins og áður. Mottumars er fjáröflunar- og árveknisátak Krabbameinsfélags Íslands í baráttunni gegn krabbameini hjá körlum en marsmánuður er tileinkaður þeirri baráttu.
Hvetur Krabbameinsfélagið með átakinu alla karlmenn til að safna mottu og vekja með því athygli samborgara sinna á málefninu. Vonast er til að átakið veki karlmenn til umhugsunar um að lifa heilbrigðu lífi og þekkja algengustu einkenni krabbameina. Rannsóknir sýna að hægt er að koma í veg fyrir að minnsta kosti 1 af hverjum 3 krabbameinum með breyttum lífsstíl, fræðslu og forvörnum.
Knattspyrnumenn um land allt safna glæsilegum mottum til styrktar þessu mikilvæga málefni.  KSÍ hvetur alla sem þetta lesa til að skella sér inn á http://www.mottumars.is/ og skrá sig til þátttöku.
Þegar myndarlegri mottu hefur verið safnað eru menn hvattir til að senda mynd af dýrðinni á  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. og myndin verður þá birt á Facebook síðu KSÍ!

Mikill uppgangur er í bogfimiíþróttinni um þessar mundir og ekki síst hér í Þingeyjarsýslu.
Þekkingarnet Þingeyinga hefur auglyst tvö byrjendanámskeið í bogfimi í mars. Farið verður í grunnþætti bogfimiíþróttarinnar ásamt öryggis- og keppnisreglum. Þátttakendur fá þjálfun í tæknilegum atriðum og sett verður upp litil keppni í lok námskeiðsins. Allur búnaður er til staðar og gott er að mæta í aðsniðinni flík á efri búk til að koma í veg fyrir að bogastrengurinn sláist utan í fötin. Sérstaklega er tekið fram að óþarfi er að mæta með epli.
Leiðbeinandi er Guðmundur Smári Gunnarsson Íslandsmetshafi og Íslandsmeistari í bogfimi 2010. Hann er búsettur á Laugaum í Reykjadal.
Námskeiðin verða haldin á Húsavík 19. mars og á Þórshöfn 20. mars.
Nánar á heimasíðu Þekkingarnetsins, www.hac.is.

Vaskur hópur frjálsíþróttafólks frá HSÞ á aldrinum 11 - 14 ára tók þátt í Meistaramóti Íslands í þessum aldursflokkum sem fram fór í Laugardalshöll síðustu helgina í febrúar.
Ellefu krakkar voru í hópnum og komu þau víðsvegar að úr Þingeyjarsýslu. Þau stóðu sig öll með prýði og hæst ber silfur í 4 x 200m hlaupi 14 ára stelpna. Í sveitinni voru þær Arnhildur, Hafdís Dröfn, Hulda Ösp og Dagný.
Einnig varð Hafdís Dröfn í öðru sæti í 800 m hlaupi 14 ára stúlkna. Sprettharðar hlaupastelpur þar á ferð. Nánari úrslit há sjá hér.
Í hópnum voru Arnhildur Ingvarsdóttir, Atli Barkarson, Benóný Arnórsson, Dagný Ríkharðsdóttir, Eyþór Kári Ingólfsson, Freyja Sól Kristinsdóttirm Hafdís Dröfn Einarsdóttir, Hulda Ösp Ágústdóttir, Óskar Ásgeirsson, Unnar Þór Hlynsson og Önundur Kristjánsson.

Á myndinni er silfursveitin ásamt Bróa þjálfara. Mynd: Birna Björnsdóttir 

B-sveit Goðans-Máta unnu 2. deild Íslandsmóts skákfélaga annað árið í röð í gær þegar keppni lauk í Hörpu. Goðinn-Mátar tefla því fram tveimur liðum í 1. deild að ári þar sem A-liðið varð í 5. sæti í fyrstu deild og hélt sæti sínu þar með öruggum hætti.
C-liðið lenti í erfiðleikum í 3. deildinni er slapp við fall með því að vinna öruggan sigri á D-liðinu í næst síðustu umferð. D-liðið var hvort sem er fallið í 4. deild þegar að þessari viðureign kom og hefur því keppni í 4. deild að ári.
Á myndinni sést hvar B-sveit Goðans-Máta tekur við verðlaununum. Arnar Þorsteinsson, Jón Þorvaldsson, Arngrímur Gunnhallsson, Jón Árni Jónsson og Tómas Björnsson. Andrea Margrét Gunnarsdóttir og Gunnar Björnsson forzeti Skáksambandsins standa við þeirra hlið. 

Þetta kemur fram á heimasíðu Goðans - Máta 

Aðalfundur Skákfélagsins Goðans-Máta var haldinn í lok febrúar á Húsavík. Fyrir fundinum lágu nokkrar lagabreytingatillögur sem fengu allar brautargengi. Þær tengdust allar sameiningu Goðans og Máta frá því sl. haust. Meðal annars var gerð sú breyting að stjórnarmönnum var fjölgað úr þremur í fimm.

Stjórn skákfélagsins Goðans-Máta 2013 skipa því:
Hermann Aðalsteinsson,
Sigurbjörn Ásmundsson,
Sighvatur Karlsson,
Pálmi Ragnar Pétursson og
Jón Þorvaldsson.

Smávægilegt tap var á rekstri félagsins á sl. ári en veltuaukningin milli ára varð mjög mikil.

Sagt er frá því á heimasíðu skíðagöngudeildar Völsungs að vel hafi verið mætt á skíðagöngu-námskeiðin sem Völsungur hefur haldið í samstarfi við Íslandsbanka. Laugardaginn 23. febrúar var annað námskeiðið haldið í frábæru veðri á Grásteinsheiði og var farið yfir grunnatriði, bæði hvað varðar búnað og gönguna sjálfa.  Þátttakendur gátu fengið lánaðan allan skíðaútbúnað fyrir námskeiðið.
Að loknu námskeiði var svo boðið upp á kakó og kleinur.
Á sömu síðu var auglýst í gær, laugardag 2. mars að komið væri fínt spor á sama stað og síðustu daga, á Grásteinsheiði, neðan Einbúa, eða hvað menn kalla þetta. Þá var létt gola og hiti -3°C. Braut fyrir byrjendur sem lengra komna.

Glímumennirnir Eyþór Einarsson og Pétur Þórir Gunnarsson úr Mývatnssveit tóku þátt í þriðju og síðustu umferð Meistaramótaraðar Glímusambandsins, sem fram fór í íþróttahúsi Kennaraháskólans um miðjan febrúar. Fyrri umferðirnar fóru fram á Reyðarfirði í október og í Búðardal í nóvember. 
Lokastaðan í Meistaramóti GLÍ liggur nú fyrir.
Einar keppti í unglingaflokki +80 kg og varð þar í öðru sæti, og síðan í opnum flokki karla þar sem hann varð í 4. sæti. Pétur Þórir keppti í karlaflokki +90 kg, varð þar í 2. sæti og sama sæti hreppti hann í opnum flokki. Í báðum flokkum var hann næstur Stefání Geirssyni í HSK sem varð tvöfaldur Íslandsmeistari.

Minnt er á félagsmálanámskeiðin á morgun, þriðjudag:
Héraðssamband Þingeyinga, kvenfélagasamböndin og búnaðarsamböndin í Þingeyingarsýslum hafa tekið saman höndum og fengið Sabínu Steinunni Halldórsdóttur í Leiðtogaskóla UMFÍ til þess að koma norður yfir heiðar og halda félagsmálanámskeiðið „SÝNDU HVAÐ Í ÞÉR BÝR".
Á námskeiðinu er farið yfir ýmsa þætti er tengjast ræðumennsku og ýmislegt sem við kemur fundasköpum, m.a. fundareglur, boðun funda, fundaskipan, dagskrá funda, umræður, meðferð tillagna, kosningar o.fl.
Þriðjudaginn 26. febrúar verður námskeiðið haldið í Framsýnarsalnum á Húsavík – og verður það haldið tvisvar sinnum sama dag, þannig að fólk getur valið sér tímasetningu sem hentar:
kl. 13:00 – 17:00            EÐA          kl. 18:00 – 22:00

Skráning fer fram hjá Elínu, framkvæmdastjóra HSÞ, á netfangið;  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. . Vinsamlegast takið fram nafn, félag og hvaða tíma dags áætlað er að koma.

Annað námskeið verður svo haldið síðar í Norður Þingeyjarsýslu – dagsetning, tími og staðsetning auglýst síðar.

Aðalfundur Ungmennafélagsins Leifs heppna  í Kelduhverfi verður haldinn fimmtudaginn 28. febrúar kl 20:00 í Skúlagarði.
Dagskrá:
Skemmtileg aðalfundarstörf og önnur mál.
Kaffi á könnunni og gómsætar veitingar.
Allir velkomnir!

Myndin er tekin í gönguferð Umf. Leifs heppna með Lónum að vestan. 

Íþróttafélagið Magni á Grenivík rekur öflugt yngri flokka starf í knattspyrnu þar sem tæplega 65 %  barna í Grýtubakkahreppi æfa með félaginu.
Magni sendir jafnan lið á öll þau mót sem þáttaka fæst í og um síðustu helgi tók 5. flokkur karla þátt í Goðamóti Þórs í Boganum á Akureyri.
Þar gerðu þeir sér lítið fyrir og unnu gullverðlaun í sínum riðli en 8 lið kepptu þar til úrslita. Við óskum þeim og þjálfara þeirra Elfari Bragasyni innilega til hamingju með árangurinn...áfram Magni!

www.grenivik.is

Kröflumótið var haldið í annað sinn á skíðasvæði Mývetnings, íþrótta- og ungmennafélags við Kröflu í byrjun febrúar. Mótið er haldið fyrir æfingakrakka Mývetnings 12 ára og yngri auk gestakeppenda, en skíðafélögum á Austurlandi var boðið á mótið. Þetta árið voru keppendur tæplega 40 frá 3 skíðafélögum.
Dagskrá helgarinnar var metnaðarfull en með einstakri aðstoð Landsvirkjunnar var gestum boðið upp á gistingu í vinnubúðum Kröfluvirkjunnar og sáu foreldrar skíðakrakka Mývetnings um matreiðslu og utanumhald í Kröflu.
Helgin byrjaði með kvöldverði og spilakvöldi á föstudagskvöldinu. Á laugardagsmorgun eftir morgunverð hófst svo keppni í stórsvigi og eftir að því lauk var boðið upp á grillaðar pylsur á skíðasvæðinu. Eftir hádegi fór svo fram keppni í svigi sem lauk með verðlaunaafhendingu. Eftir góðan dag á skíðum fóru svo allir, börn og foreldrar í Jarðböðin og slökuðu á. Eftir kvöldverð var svo haldin kvöldvaka í mötuneyti Kröfluvirkjunnar hvar unga fólkið fór á kostum með uppistand og leiki. Á sunnudeginum var svo furðufataskíðun fram yfir hádegi og var mikill metnaður hjá ungum sem öldnum í búningavali.
Styrktaraðilar mótsins voru eftirtaldir: Landsvirkjun, Steindór Jónsson ehf, Jarðböðin við Mývatn, Sel Hótel Mývatn, Hótel Reynihlíð, Vogafjós ferðaþjónusta, Alkemia ferðaskrifstofa, Gistiþjónustan Staðarhóli, Kristjánsbakarí, Vífilfell og Goði. Er þeim þakkað mikið vel fyrir, án þeirra hefði mótið ekki getað orðið.
Texti og myndir: Kolbrún Ívarsdóttir
Af vefnum 641.is

Stjórn skákfélagins Goðans-Máta hefur boðað til aðalfundar skákfélagins Goðans-Máta, en hann verður haldinn mánudaginn 25. febrúar nk. Fundurinn verður haldinn í Framsýnarsalnum, Garðarsbraut 26 á Húsavík og hefst hann kl 20:30.
Dagskrá: Venjuleg aðalfundarstörf.
Lagabreytingatillögur frá stjórn hafa verið kynntar félagsmönnum með tölvupósti. Þær tengjast allar sameiningu Goðans og Máta frá því sl. haust.
Hægt er að sjá núverandi lög félagsins hér     
Af vefnum godinn.blog.is

Orkugangan er 60 km skíðaganga sem haldin verður laugardaginn 13. apríl 2013 kl. 10:00. Hefst gangan við Kröfluvirkjun í Mývatnssveit og lýkur henni í nágrenni Húsavíkur og er þetta lengsta skíðagangan hér á landi og gefur einnig stig til Íslandsgöngunnar. Opnað hefur verið fyrir skráningu á vefnum, www.orkugangan.is en þar koma einnig fram upplýsingar um greiðslu skráningargjalds, vegalengdir og aldursskiptingu.
Fyrirspurnir má senda á netfangið  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
Skíðagöngudeild Völsungs heldur gönguna í samstarfi við Mývatnsstofu en Orkugangan var fyrst haldin árið 2007. Gengið er að mestu um ósnortið land, þar sem sjá má margar náttúruperlur sem og svæði sem jarðskjálftar og eldsumbrot hafa mótað og má víða enn sjá merki um þá orku sem býr í þessu svæði, einnig að virða fyrir sér þá leið sem verður notuð til að flytja orku í væntanlega stóriðju við Húsavík og er nafn göngunnar dregið af því. Leiðin er troðin fyrir þátttakendur og lagt verður spor alla leið. Lítið verður um erfiðar brekkur og er lækkunin á leiðinni einungis um 200 metrar og er það álit margra að fallegri leið er vandfundin. Drykkjarstöðvar verða á 10 km. fresti.
Á sama degi verður einnig boðið uppá styttri gönguleiðir á Reykjaheiði í nágrenni Húsavíkur, 20 km,  7 km og 1 km.

Aðalfundur Golfklúbbs Húsavíkur var haldinn þann 7. febrúar sl. í Kiwanishúsinu á Húsavík. Á fundinn voru mættir um 35 manns. Fundarstjóri var Gunnlaugur Stefánsson og stjórnaði hann fundinum með prýðum og var fundurinn góður í alla staði.
Fjárhagur Golfklúbbsins er nokkuð góður þó að mikil vinna hafi verið unnin á vellinum síðustu ár. Meðal annars var ráðist í breytingar á 9. holu ásamt því að húsnæði golfklúbbsins hafi verið tekið í gegn. Þó kom fram á fundinum að klúbbhúsið sé orðið lélegt og spurning hvað verður um það á næstu árum.
Mikil vinna hefur átt sér stað í þjálfun ungra golfara, sem er til fyrirmyndar, og meðal annars er búið að ráða þjálfara sem er að læra til PGA þjálfunargráðu til að kenna næsta sumar. Stjórn félagsins var endurkjörin en formaður er Pálmi Pálmason.
Flott félag sem er til fyrirmyndar.
Fulltrúi HSÞ á fundinum var Jóakim Júlíusson. 
Á meðfylgjandi mynd sem er tekin af heimasíðu Golfklúbbsins sést hvar reynt er að vinna á miklum klaka á golfvellinum.