Héraðssamband Þingeyinga

Hin árlega keppni milli Þingeyinga og Eyfirðinga í bridge var haldin í Ljósvetningabúð um helgina . Sex sveitir mættu frá hvorum aðila. Spilaður var 32 spila leikur sveit á móti sveit og voru sveitinar númeraðar frá 1-6 hjá báðum liðum. Þingeyingar unnu á tveimur borðum, Eyfirðingar á tveimur og tveir leikir fóru jafntefli. Í heildarstigakeppninni vann HSÞ naumlega með 92 stigum gegn 88 stigum UMSE. Farandbikarinn sem gengið hefur á milli verður því í vörslu Þingeyinga næsta árið.