Héraðssamband Þingeyinga

Frjálsíþróttaskóli UMFÍ verður á Laugum vikuna 22. - 26. júní n.k Frjálsar íþróttir er frábær félagsskapur, hreyfing, skemmtun og útivera. Ungmennafélag Íslands starfsrækir frjálsíþróttaskóla víðsvegar í sumar fyrir ungmenni 11 til 18 ára. Frjálsíþróttaskólinn er spennandi tækifæri fyrir ungmenni sem vilja reyna sig í fyrsta sinn eða efla sig í frjálsum íþróttum. Veldu þann stað sem hentar þér og taktu þátt í góðum félagskap. Auk íþróttaæfinga verða kvöldvökur, varðeldar, gönguferðir og ýmsar óvæntar uppákomur.
Þátttökugjald er 20.000.- innifalið er kennsla, fæði og húsnæði.
Skólinn er góður undirbúningur fyrir unglingalandsmót.
Nánari upplýsingar má finna á heimasíðu UMFÍ www.umfi.is og í síma 5682929