Keppendur frá HSÞ stóðu sig með mikilli prýði á Stórmóti ÍR í frjálsum íþróttum sem haldið var dagana 22. og 23. janúar sl.
Í flokki 14. ára stúlkna sigraði Auður Gauksdóttir kúluvarp og hástökk og Jana Björg Róbertsdóttir varð þriðja í 800 m.
Í flokki 14. pilta varð Elvar Baldvinsson þriðji í hástökki og langstökki og annar í 60 m. grind. Brynjar Örn Arnarson varð annar í 60 m. hlaupi og þriðji í 200 m. hlaupi og 60 m. grind .
Í flokki 15. ára stúlkna sigraði Dagbjört Ingvarsdóttir langstökk og 60 m. grind.
Í flokki 15. ára pilta sigraði Hjörvar Gunnarsson 800 m. og varð í öðru sæti í 400 m. Snæþór Aðalsteinsson varð í öðru sæti í 800 m. og þriðja sæti í 400 m.
Í flokki kvenna 18 ára og eldri sigraði Hafdís Sigurðardóttir 60 m. hlaup og varð í öðru sæti í langstökki. Auður Kristjánsdóttir varð í þriðja sæti í 400 m. og 800 m. hlaupi.
Fimmtudagur, 03. febrúar 2011 | 
