Héraðssamband Þingeyinga

Héraðsmót í knattspyrnu 12 ára og yngri á vegopnunarhátíðinni Núna fer ég norður!

 

Héraðsmót HSÞ í knattspyrnu 12 ára og yngri innanhúss verður haldið á Þórshöfn á Langanesi sunnudaginn 7. nóvember 2010.

Þetta mót er nú tekið upp aftur eftir áralangt hlé. 

Keppt verður í 5. flokki, 6. flokki og 7. flokki í blönduðum liðum. Leyfilegt er að keppa upp fyrir sig.

Þátttaka tilkynnist í síðasta lagi þriðjudaginn 26. október á netfangið Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.   eða í síma 893-5836. Þá skal einnig tilkynnt hvort liðin vilja gistingu.

Þátttökugjald er 1.500 krónur á keppanda. Innifalið í því er gisting í skólahúsnæði, diskótek á laugardagskvöldi, mótsgjald og grill eftir mót. Þátttökugjaldið greiðist í síðasta lagi við upphaf móts.

.

Eins og sjá má er gert ráð fyrir að liðin geti komið á föstudegi eða laugardegi til Þórshafnar þó mótið sé aðeins á sunnudegi.

Um þessa helgi verður haldin vegopnunarhátíðin Núna fer ég norður! á Þórshöfn og ýmislegt um að vera. Síðdegis á föstudag verður klippt á borða á Hófaskarðsvegi þar sem allir eru velkomnir, auk konukvölds og dansleiks á Eyrinni um kvöldið. Á laugardegi verður markaðsdagur í íþróttamiðstöðinni, tónleikar, áðurnefnt diskótek og fleira.

.

Umf. Langnesinga býður ykkur hjartanlega velkomin!